Сообщения

Гижӧ комиӧн, или коми-пермяцкӧй диктант

Изображение
    Тӧвпом (февраль) 17 лунӧ Перем ладорын чулӧтсьӧ коми-пермяцкӧй кывлӧн лун. Быд районнэзын нуӧтӧны быдкодь акцияэз, флешмоббез, конкурссэз, отирсӧ корӧны ёнжыка баитны комиӧн, не вунӧтны.     А таво медодззаись чулӧтчӧ акция "Коми-пермяцкӧй кыв вылын ӧтувья диктант", кӧда мунӧ кыдз Кудымкарын да районнэзас, сідз и Перемын, Сыктывкарын да Москваын. Быдӧсыс медодз вӧлӧм 32 площадка, но луннас содӧмась эшӧ куима да быдӧсыс лоис 35. Ме кӧсйи жӧ участвуйтны эта акцияас да пыралі Лихачёв нима библиотекаӧ Кудымкарӧ гижны диктантсӧ. Отирсӧ видзчисьӧмась 70 гӧгӧр морт, а локтісӧ 80 саяс!!! Унажыкыс студенттэз карся ССУЗзэзісь, а сідз жӧ ыджытжык морттэз, кинкӧ пӧ даже Москваись локтӧмас гӧститны да пыраліс тожӧ гижны, проверитны ассис грамотностьсӧ.    Темаыс диктантлӧн вӧлі босьтӧм Василий Климовлӧн "Гавкалӧн бедь" нима повестись торись, кӧда шусьӧ "Жысь Егорлӧн висьт". Сідз кыдз мартӧн Василий Васильевичлӧ тырӧ 90 во, то решитісӧ босьтны текстсӧ сы по

Виль воӧн коми йӧз!

Изображение
Эстафета бедь босьта киӧ да сета Вячеслав Поповлӧ))) Часы вылын даскык ни матын Пызан дорын пукалам радӧн. Сулалӧ важын мича кӧз Виль во панталӧ коми йӧз. Пызаныс вевтьӧм быд сёянӧн: Чӧскыт салатӧн да пельняньӧн, Кинлӧн шампанскӧй ли аскур, Кӧть мый, мед праздник вӧлі бур! Кин ӧтлаын пукалӧ ёрткӧт, А кин семьӧкӧт аслас гортын. Чулалӧ бӧрӧ пӧрись год, Мый ваяс вильсӧ он и тӧд. Но кӧсъям сылісь буржык лун, Чӧскыт олан да шоныт ун. Югьялӧ гортын басӧк кӧз, Виль воӧн дона коми йӧз!

Komi space

Изображение
KOMI SPACE Космос. Последний рубеж. Наша звезда цвета «веж». Отправляют людей  к МКС Через годы полетит коми йӧз. Навстречу новой звезде  На Марс, Венеру, к Луне.  Полетит космо-пермяк  Первый в роде земляк.  Космос. Холод. Пустота.  Шонді – первая наша звезда  Мчится вдаль космоморт  Вспоминая свой горт:  Леса, поля, родные края  Где близкие ему и родня.  Где Кудыма стоит кар  Откроет он планету Изкар  Мчится к Альфе Центавра  Достигнуть звезды Барнарда.  Назовут в честь него космопорт  Первый в мире Земли коми морт. 

Кык кыв - коми кыв, кык му - Коми му

Изображение
Кык кыв - коми кыв, кык му - Коми му, Кык кар - коми кар: Кудымкар, Сыктывкар.      Олӧны-вылӧны кык коми войтыр (а гашкӧ и ӧти, коді кыдз лыддьӧ), уджалӧны, велӧдчӧны, сёрнитӧны комиӧны (коді овлӧ вунӧдӧ кывсӧ)... Олӧны ордчӧн ӧтамӧдкӧд и зэв ӧткодьыс налӧн, но бара зэв этша кӧн паныдасьлӧны. Да мый ми тӧдам ӧтамӧд йылысь? Перымса комияс зырян комияс йылысь да наоборот. Ми кыдз кык мирын: кык кыв, кык литература, кык му, кык торъя олӧм, быдлӧн аскодь, но ӧткодьыс унджык, не весь кӧдна учёнӧйс лыддьӧны миянӧс ӧти коми войтырӧн.     Кута, мися, висьтасьны мый тӧдӧны перымса комияс войвывса вокъяс йылысь, думайтӧны, гашкӧ и кажитчас кодкӧлы, а кодкӧ и гижас мый сійӧ ачыс тӧдӧ перымсаяс йылысь. Гижи зырян коми кыв вылын, ог шу мый бура тӧда, но мӧвпала гӧгӧрвоанныд, кӧн сорасьӧм лоас - гижӧ, вежа.     Мый миян Перым Коми кытшын тӧдӧны Коми Республика йылысь? Унджыкыс шуӧны канмусӧ кыдз и эм - Коми Республика, но кор и позьӧ паныдавны важ моз - Коми АССР, весиг ӧти

Вылісь Иньва диалект

Изображение
     Кыдз эд только оз баитӧ комиӧн: кин Л вылӧ, кин В вылӧ, эд быдсӧн кыланым 19 диалект! (лыддьыны кӧ ӧтлаын перем да зырян кыввесис). Медыджыттэс ны коласісь - Вылісь Иньва да Изьва диалекттэз, сійӧн нысянь и понда дженыта висьтасьны, сравнивайтны литературнӧй коми-пермяцкӧй да коми-зырянскӧй кыввезкӧт.     Вылісь Иньва диалект (рочӧн Кудымкарско-Иньвенский) - коми-пермяцкӧй диалект кӧда вылын баитӧны Кудымкар да Юсьва районнэзын да Кудымкар карын.

Даурия, или кыдз ме ветлі Ылісь Востокӧ

Изображение
            Кӧр вӧлі Воркута сайын Гагарацкая нима станция вылын да видзӧті Полярнӧй Ураллӧн иззэз вылӧ, вӧлі ӧддьӧн окота кайлыны ны вылӧ да и ветлыны ны сайӧ – Азияӧ. Но сэк сідз нем эз и пет, эд ме вӧлі станцияын практика сьӧрті. И кин бы думайтіс, что мӧдгоднас ни вуджа Уралсӧ да иньдӧтча кӧрттуй вылӧт Хабаровск ладорӧ.   Одзжык поездӧн медылынсӧ ветлі только Кировӧдз и то кажитчис ылынӧн, а эстӧн ковсис Перемсянь мунны 6 лунӧн 7000 км. Сымда жӧ ылынаыс Мадридӧдз. Быдӧс туйыс муніс донтӧг, эд отсаліс эта поездкаын Министерство Обороны, сетіс сухпаёккез кузь туй вылӧ, кӧмаліс, пасьтӧтіс кыдз и колӧ. Сідз и вӧрзим кӧдзыт арся ноябрскӧй ойӧн сетны страналӧ долг – служитны армиын. Одзжык шуа, мый ог понды висьтасьны кытӧн да мый служиті, сідз кыдз гос.тайна вылын гижси.     Мӧдлуннас жӧ тӧдім, мый вагонаным мунӧ миянкӧт иностранец, Мускрун карись бельгиец Сильва. Кузь, кӧсыник, орсывліс пыр MacBook вылын Worms ӧн да сёйліс кытшӧмкӧ бельгийскӧй бульоннэз, кӧдійӧн и верд

Виль коми блог

Изображение
Медбӧрья кадӧ чужисӧ уна коми блоггез, ась кӧть и нія коми-зырянскӧй кыв вылын, но лыддьӧтны да и вежӧртны туйӧ. Вот сідз жӧ и ме решиті сё таки керны коми блогсӧ, важын ни мӧді эд. Думайта ме бӧрсянь эшӧ поди кинкӧ пондас нуӧтны ассис блогсӧ коми-пермяцкӧй кыв вылын.